Mattilsynets hovudprioriteringar innan kosmetikk 2025

Verksemder skal få betre rettleiing om kosmetikkregelverket

Mattilsynet skal forbetre rettleiinga av kosmetikkregelverket, slik at det blir enklare både for nye og etablerte aktørar å følge regelverket.

Dette vil bidra til å sikre at forbrukarane får trygge produkt.

Kvifor vel Mattilsynet å prioritere dette i 2025?

Kosmetikkmarknaden er i vekst, og vi ser at det kjem nye aktørar inn på den norske marknaden. Det er ei rekke reglar verksemdene må følge for å selje kosmetikk.

Derfor er det viktig at rettleiinga frå Mattilsynet er informativ og brukarvennleg slik at det blir enklare å forstå og følge regelverket.

Korleis planlegg Mattilsynet å jobbe med dette?

Vi vil gå gjennom og oppdatere rettleiinga, be om innspel frå verksemder og teste at rettleiinga vår er forståeleg og fungerer.

Forbrukarar skal enklare få oversikt over farar i kosmetiske produkt

Mattilsynet skal oppdatere informasjon og rettleiing på nettsidene slik at det blir enklare for forbrukarar å få oversikt over moglege farar knytt til kosmetiske produkt.

Kvifor vel Mattilsynet å prioritere dette? 

Kosmetikkmarknaden veks, og nettbaserte distribusjonskanalar gir fleire aktørar tilgang til marknaden. Det kan også føre til at fleire ulovlege produkt kjem på marknaden. Forbrukarane har derfor eit stort behov for å få rett og oppdatert informasjon om moglege farar knytte til kosmetiske produkt.

Korleis planlegg Mattilsynet å jobbe med dette? 

Vi skal oppdatere informasjon på nettsidene våre, og bruke ulike kommunikasjonskanalar for å informere forbrukarane.

Kva betyr det for deg, og kva kan du/verksemda di forvente? 

Det er viktig at verksemder held seg oppdaterte på gjeldande regelverk og sørge for at produkta som dei omset er trygge, lovlege og merka korrekt i samsvar med regelverket.

Styrke rapportering og kartlegging av biverknader frå kosmetikk

Mattilsynet antar det er underrapportering av biverknader frå kosmetikk, kroppspleieprodukt og tatoveringsprodukt.

Vi vil derfor jobbe aktivt overfor helsepersonell og forbrukarar for at fleire biverknader blir rapporterte inn.

Kvifor vel Mattilsynet å prioritere dette i 2025? 

Biverknader frå kosmetikk kan variere frå mild irritasjon til alvorlege symptom. For å følge opp produkt som kan gi biverknader, er Mattilsynet avhengig av at tilfella blir rapporterte til oss.

Ved å få både helsepersonell og forbrukarar til å melde inn biverknader, vil Mattilsynet også få ei betre oversikt over risikofaktorar som kan gi biverknader knytt til produkt på den norske marknaden.

Korleis planlegg Mattilsynet å jobbe med dette?

Helsepersonell er pålagt å melde frå ved mistanke om biverknader av kosmetikk. Forbrukarar kan også melde inn biverknader til Mattilsynet.

Vi vil jobbe aktivt overfor helsepersonell, forbrukarar og aktuelle bransjeorganisasjonar for å gjere rapporteringsmoglegheitene kjent slik at fleire biverknader blir rapporterte.

Kva betyr det for deg, og kva kan du/verksemda di forvente?

Dersom Mattilsynet tar kontakt er det viktig at verksemder deler informasjon som dei sjølv har fått frå forbrukarar om biverknader.

Relevant innhald:

Varsle om biverknader av kosmetikk